【跌傷後…】林奕匡做物理治療 太太李靄璣爆坐唔定去吸塵 (18:38)

文章日期:2020年07月14日

林奕匡日前和朋友出海,落船時不小心失足,結果手腳受傷入院。李靄璣昨日在社交平台透露老公林奕匡的康復情況:「佢複(覆)診後做了物理治療,醫生話佢戴個immobilizer多幾日,就可以唔戴啦👏🏻🙌。話說呢幾個禮拜,佢每晚都痛到唔係好瞓到覺,瞓三四個鐘就會痛醒,因為止痛藥既(嘅)藥效都只係得幾個鐘,好折騰😖而且一路郁唔到隻手,會連帶頸部、背部、胸口都會酸(痠)痛,真係慘慘豬🙍🏻‍♀️⠀

頭嗰幾日,我已經鍛鍊(煉)到變為一個非常稱職的看護,洗頭抹身、清洗傷口完全難唔到我😏 所有事,最緊要係冷靜,有耐性,細心啲諗吓假若換轉頭係自己,會想別人點樣幫助你🙂 雖然老公好自責也內疚,但係話過會互相照顧對方一生一世,並唔係信口開河😏呢幾個禮拜又算什麼呢,況且佢絕對係我見過最積極嘅受傷者。⠀

叫做好翻(番)幾日,已經嚷著(着)什麼都儘(盡)量自己做翻(番),仲無啦啦走去吸塵🤷🏻‍♀️真係俾(畀)佢激死🙄😆。最近更日日唱歌,仲竟然彈倒(到)小小鋼琴🎹👍🏻 所以大家唔好擔心,多謝大家嘅問候。而(依)家疫情加劇了,大家都要好好保重🙌」

相關新聞:【樂極生悲】林奕匡出海落船失足 手腳受傷Call白車入院

(即時娛樂)