崔碧珈與HotCha成員張惠雅分別在社交平台，分享在家中拔罐情形，前者一次過用上13個拔罐，相當之誇張，而張惠雅只是簡單展示一個，莫非崔碧珈體內有很多毒素要排出來？
崔碧珈留言：「Stay at home and do cupping therapy！留係（喺）屋企既（嘅）其中一個活動，就係媽咪幫我拔罐，痛得黎（嚟）好『舒服』哈哈😛 #膊頭有一個特別黑 #可能成日慣咗用右邊 #齊心抗疫」
張惠雅表示：「估唔到閉關呢段日子，除走（了）瘦咗，腰既（嘅）舊患好明顯咁搵返（番）個痛點，喺我拉拉下（吓）筋既（嘅）時候，其他痛點都出埋黎（嚟），好似我呢個左膊，我痛咗好多好多年，每次跑步跑到幾K左右就會開始扯住痛，係好痛好痛，類似骨痛既（嘅）感覺，睇過好多唔同醫師都處理唔到，尋晚拉筋發現咗幾個點，今朝起身決定試下（吓）可唔可以喺好底層咁整上黎（嚟）再拔罐，點知真係得咗😱，hello你見唔見到d瘀血啊，byebye 😙😄😄😄😄😄」
