麥長青（麥包）近日疫市開店，在大坑賣和牛，麥包表示由決定開店到開得成，都只是2﹑3個月內的事，他跟朋友合資近7位數開舖，女兒因為疫情關係，未能返回澳洲讀書，故他和老婆及囡囡齊心搞好店舖。
麥包表示：「我不斷搵嘢畀自己做，拍攝工作嚴格嚟講去年中已停晒，一路搵唔同出路，好似做網上嘅嘢，但只有支出，冇收入，不如試其他嘢，坐喺度都唔係辦法，朋友支持又幫自己，可以試下。好多人由疫情開始，習慣留喺家，少出街食嘢，大家都好注重衛生，多數在家進食，咁試吓做呢樣嘢，我都學啲簡單易煮嘅嘢，畀大家返屋企試煮，而且日本烹調較簡單，簡而精，有啲嘢我哋整好晒，人人都可以做大廚，少少煮意。」
麥包又讚街坊好好，大家好團結，又互相幫襯：「業主又好，啲租平咗啲，依家都係一個時機嘅，危機危機，有危先有機，坐喺度都唔係辦法，所以要搵條出路先。」
