施匡翹及宣傳人員阿佳日前確診新冠肺炎，無綫追蹤到96位職藝員同事有可能跟他們接觸，隨即安排眾人接受新冠病毒檢測，今日公布96人的結果均呈陰性，總算令人大鬆一口氣。
歌手小肥（徐智勇）及陸浩明（6號）亦分別在網上報平安，小肥留言：「正式脫離藝人群組嫌疑行列，恭喜自己！亦都深深祝福未知結果朋友都係陰性，已中招朋友盡快康復，喺呢件事以外嘅朋友繼續提高防疫意識，大家加油！」
陸浩明表示：「工作關係為保安心都去做個檢測，等咗兩日終於有結果，醫院嘅COVID-19測試係”陰性 Negative”平安冇事🙏🏻 疫情的確令大家都好大壓力，但要樂觀面對呀💪🏻 身心都要保持健康，你地（哋）要繼續警惕，小心疫情，保持衛生! 希望患者們都快啲康復👍🏻👍🏻 P.S. 多謝各位朋友關心😁」
