【家人險報警】黃奕晨消失3個月為見女友 父親夏雨嬲爆 (17:48)

文章日期:2020年07月29日

ViuTV全新節目《對號入座》由林二汶和魔法塔羅師Jan Jan擔任主持,以12星座為主題,剖析不同人格及男女關係。

今晚(29日)播出的一集,黃奕晨(Dixon)自爆曾因愛情問題而激嬲父親夏雨,他指自己曾沒有知會家人,二話不說飛到英國,與當時女朋友短敘3個月。Dixon笑言家人差點要報警:「嗰陣爸爸打咗幾日電話過嚟,我到第3日先敢聽,一來係驚再唔聽嘅話,屋企真係會報警;二來係當時先加入Now TV,份工仲要係爸爸介紹,都唔知點面對佢,聽咗電話之後,佢淨係問咗一句喺邊就收咗線。」

Dixon表示父親看見他回家一刻,完全嬲爆:「正常嚟講,如果屋企人開聲鬧你嘅話,都唔算係好嬲,真正最嬲嘅情況,係你拖着個行李入門口嗰吓,佢哋當睇你唔到。我嗰吓真係好驚,依家諗返起都仲心有餘悸。」Dixon笑指家人經過1年多的時間才原諒他,不過現在有時仍會翻舊帳。

(即時娛樂)