劉少君今日中午預告他已完全康復，將於稍後時間出院，剛剛更新個人情況，原來已出院並暫時入住尖沙嘴某間酒店。
劉少君表示：「我啱啱就喺伊利沙伯醫院出咗嚟喇，因為由於醫院嗰度比較緊張啲，所以無叫傳媒過嚟，依家暫時去咗尖沙嘴某間酒店自己休養吓先，大致上慢慢回復好精神。今次真係好多謝、好多謝香港醫護界所有嘅醫務人員咁細心照顧所有病人，甚至乎一個小工，佢哋清潔每一次地方都消毒得非常細緻，我真係好欽佩、敬佩佢哋。今次我結果出嚟已經有咗抗體，呢段時間會病毒小啲入侵，十分之安慰，同埋仲有一張Copy，證明我依家係全身已經無事，已有抗體。希望大家有個衛生環境，最緊要注重衛生，多謝大家，開心開心。」
相關新聞：【新冠肺炎】劉少君復原今日出院：多謝醫療團隊細心照顧
相關新聞：【新冠肺炎】麥德羅羨慕劉少君復原出院：等同中六合彩
