向來孝順的鄭欣宜，昨晚在社交網上載和外婆珍貴合照，欣宜外婆離世12年，她分享和外婆以前生活點滴。欣宜表示可能有人會覺得她屬於堅強和獨立的人，但事實恰恰相反。
欣宜在instagram爆小秘密：「就是從我有記憶開始到17歲嗰年，我都係同婆婆孖舖。你冇睇錯係到17歲！
每一晚婆婆都會為我掃背脊同埋唱佢鄉下嘅寧波話搖籃曲。這首歌講一個瞎子迷路了，在路上問路時一直俾（畀）人欺負，但他並沒有放棄。到最終，佢終於遇到一個好人可以帶領佢回到自己的家。
這首歌的故事像告訴我生命上一定會遇到很多不愉快的事，但這是必經之路。只有經歷過不愉快的事，才能更加珍惜快樂所帶給我們的意義。
陪伴了我17年的搖籃曲我竟然只記得第一句！可惜我冇可能唱到呢首搖籃曲俾我下一代聽。因為婆婆已經離開左我12年了。現在33歲的我都自己住咗一段好長嘅日子了。有時候睡不著（着）都會哼起那一句...」
