黃翠如的廚藝向來麻麻，曾被老公蕭正楠取笑連蛋都唔識煎，亦試過煮燶雞翼；相反，蕭正楠廚藝不錯，不時為老婆炮製美食。今日蕭正楠就為黃翠如準備了三文治及其他美食，賣相吸引，他在社交平台分享照片，並留言「每天起身都有個人 等緊你整野（嘢）比（畀）佢食 係一種幸福 應該係除非唔係 #魚糧」。不過，大家的焦點並非蕭正楠炮製的美食，而是他的髮型，其中胡鴻鈞留言「起身個頭就已經好似set左（咗）咁」，蕭正楠回覆「臨瞓前set嘅」，亦有網民說他「頭髮亂亂」、「你個頭 生意失敗Look」等，更有人抵死留言「你係咪曲線投訴緊 雖然你應該唔夠膽」。
