溫碧霞（Irene）目前仍在上海接受隔離，但她已在酒店完成了一星期隔離，日前已搬到朋友空置的寓所，進行尚餘的一星期居家隔離生活。這段隔離日子Irene完全不愁苦悶，看書、看劇本和做運動，近日搬到朋友家後，還下廚玩煮飯仔煲靚湯，當然還少不了騷美腿呢！
Irene來到朋友寓所見到有廚房感到興奮，即大顯身手下廚煲靚湯，還拍片跟大家分享養顏靚湯秘方。習慣每日飲湯的Irene表示，終於飲到熱辣辣老火湯：「今日介紹大家，我在家中經常飲靚湯，木瓜、豆腐、雪耳、三文魚、雞腳、花生，養顏又好味，可以保養皮膚，非常健康，尤其是女仔，現在多了時間在家，大家可以煮飯仔和煲湯。」Irene表示倒數3天，8月15日就可重獲自由，之後隨即開工。
