尹天照日前應苑瓊丹邀請，接受香港開電視節目《開工大吉77》訪問。苑仔視尹天照為視帝級人馬，追問當年在片場發脾氣一事，尹天照分享內心世界：「當年試過一次拍戲，剛剛先拍完第一take，點知助導走嚟第二稿、第三稿，我心諗，我做畀你！我將每一稿優點溝埋演畀你，但最終啲人都同你玩反面。其實呢啲嘢冇啱定錯，我冇後悔過。作為一個演員，如果冇火嘅角色唔會好睇，但係火得滯可能會影響其他人，點樣火、點樣拿捏就要靠時間。」
被苑仔稱為一哥的尹天照，他指當年離開電視台外闖，可惜老闆股票失利，令計劃觸礁：「我返去sell林伯，佢都決定開拍，好在收視好好，拍完之後我就出去再闖搵食、返內地拍戲。決定離開都冇話啱定錯，就當你鋪排得好好，依家又會點？依家間電視台都唔喺度啦。」尹天照坦言有其他電視台接洽，奈何制度令他放棄簽約：「初步傾都知自由度有問題，算啦，都過咗去。」
苑仔自爆當年尹天照曾勸他「信教」，但最終失敗而回，但他的性格亦因宗教而改變：「我嘅改變係因為我依家嘅宗教，當時太太有病，我搵唔到任何方法幫佢，咁啱有個朋友，佢有癌病但決定唔再睇醫生，我鬧佢黐線，佢就同我分享教會見證，我就去教會睇吓搵個當事人，因為呢一件事，我認為唯一出路就係靠耶穌。」
苑仔表示尹天照演技高超，還表示對方走到鏡頭前會「鬼上身」：「我試過有一次埋位，同其他人圍埋吹水，點知睇見佢做戲，不知不覺被佢吸咗眼球，我估佢最唔順超就係捉唔到我返教會，唔知佢仲有冇恆心說服我呢？」
