正在拍攝新劇《七公主》的江嘉敏， 日前拍完出浴戲後，大腿位置長了大片紅疹。由於出紅疹是新冠肺炎的病徵之一，她擔心得立即放下所有工作，並接受病毒檢測，等候報告期間一直留在家未敢外出。
幸好，江嘉敏昨天終於收到報告，結果呈陰性，證實她未有染疫。江嘉敏開心得在社交平台上載素顏照，分享這個好消息。她說︰「話個好消息俾（畀）大家聽，我嘅COVID-19報告係陰性 ɴᴏᴛ ᴅᴇᴛᴇᴄᴛᴇᴅ！👏🏻👏🏻👏🏻 開心到素顏落街食咗個飯😬😬﹗」
「其實如果唔係緊密接觸者，或者冇病徵嘅人，真係唔使去check住，因為醫護人手不足，加上個test數量又唔係多，只要我哋多注重衛生，勤力洗手消毒，其實已經足夠。👍🏻點解我會去咗驗，因為我拍完出浴戲當晚，大腿上面即刻出咗紅疹，嚇到我馬上停哂（晒）手上所有工作，留咗係屋企，直到報告出嚟！希望大家平平安安健健康康！都希望隻腳腳都快啲好返（番）啦💪🏻💪🏻﹗」
