有傳「細龍太」陳偉琪（Vicky）因為形象差，遭無綫投閒置散，連處境劇《愛‧回家之開心速遞》亦被叮出局。《開心速遞》監製林建祥表示，細龍太只是因劇情需要而暫時消失。
相關新聞：「細龍太」陳偉琪疑借網民留言吐心聲：冇雷珍妮寧願唔睇
有網民力撐「細龍太雷珍妮」，甚至在網上留言嗌罷睇《開心速遞》：「冇雷珍妮我寧願唔睇─TVB愛回家等摺埋喇！」今午Vicky在instagram貼相，相中她身處西貢，她身穿泳衣望着天空，並說「I am one lucky girl.謝謝你們的愛」。網民表態支持：「永遠支持細龍太，愛回家，冇您，邊係愛回家？」、「支持你，無左（咗）細龍太嘅愛回家根本就5（唔）係愛回家。力士（鄭世豪飾）5（唔）可以無左（咗）你㗎。」
