【意識大膽】關智斌拍MV要裸露:自己都嘩一聲 (17:05)

文章日期:2020年09月03日

關智斌(Kenny)日前接受許文軒主持的節目《StarTalk》訪問,談到新歌《乾爹》反應不俗,Kenny説:「今次得到Dear Jane嘅Howie寫歌,佢個demo把聲好磁性,唔知關唔關嗰排睇緊《愛的迫降》事,一聽隻歌已經有韓劇feel,好有畫面。本身今年想造多啲快歌,但聽咗之後唔想錯過呢次機會,所以即刻要咗首歌。」

提到MV題材甚大膽,Kenny說:「導演有問我有冇底線,其實畀條褲我都OK,不過我好驚啲人以為我為咗祼露而祼露,但今次MV真係有咁嘅需要,講都市人好寂寞,玩App識人嘅即食感情。當中有一場喺浴缸自己摸自己嘅戲,拍嘅時候唔覺大膽,因為投入咗個角色,但睇返之後自己都嘩一聲,原來意識咁大膽,依家講返面都紅晒,但呢一場戲最終冇放入MV內,只係放咗上網當宣傳。」

(即時娛樂)

 

相關字詞﹕關智斌 乾爹 裸露