【開始做化療】愛犬患淋巴癌 許芷熒自責無及早發現 (21:22)

文章日期:2020年09月07日

許芷熒今日在網上自爆愛犬Cooper上月28號證實患上淋巴癌,獸醫表示若果接受化療,可能有多12至18個月的壽命,令她大感晴天霹靂,自責沒有早些發現牠患有此病。

許芷熒指Cooper是癌症第五期,由於毒素很高,要立即做化療保命,於是安排在9月2日做第一次化療,很感恩Cooper做完化療後,情況已經有好明顯康復,精神及胃口亦好了很多,現在她跟家人會很珍惜跟Cooper繼續生活的日子。

她留言表示:「其實我覺得呢個係上天畀多一次機會我哋好好珍惜同愛Cooper。我自己亦有自我反省,覺得自己生完(女兒)馮寶寶之後好似冇咁關注Cooper同Enzo,亦有可能因為咁,令到佢哋唔開心,其實狗狗會感受到的,當佢哋被忽略,或者唔開心,都會同人一樣可能會病。亦有一個靈性角度嚟睇,可能狗狗會覺得自己嘅使命已經完成,我哋已經唔需要佢,所以係時候去彩虹橋。。。。所以上天現在畀多一次機會我去好好珍惜,我都會盡我一切能力,將時間同愛分配得更加平均。Cooper將會要做為期六個月嘅化療,每星期做一次!希望一切順利!感謝上天,給我們多一點時間!😭❤️🙏」

(即時娛樂)