64歲吳浣儀近日接受香港開電視節目《開工大吉》主持人苑瓊丹訪問，暢談多年演藝生涯。浣儀姐指初入行多演閒角，兩個月後接拍有分量角色並迅速走紅，可是在1975年因一時衝動離開了電視台，「當年都算年輕，突然搵你做番閒角，加上不小心NG，就會有說話聽『唉，冇船過海啦』，而我又剛開始拍拖，於是乎便不做」。浣儀姐表示愛情成為離巢動力，否則應不會太衝動拒續約，任性之下無想過後果，之後轉投佳視發展，但公司卻關門，於是決定去結婚。
浣儀姐稱直到丈夫患病，一邊照顧家人，一邊拍劇養家，成為人生最艱辛的日子，「當時真的唔做唔得，仲要問鮑姐（鮑起靜）、羅蘭姐借錢過難關，要拍劇還債。不過我好得意，面對自身的事不會喊，因為要面對，後來丈夫過身，好在一直有戲拍可以養家，當時好忙又冇時間照顧子女，亦好在他們現在都OK」。
浣儀姐坦言因為疫情而閉關，仍很期待好劇本降臨，有戲拍便拍，但最緊要是開開心心、身體健康，不要轉牛角尖。
