張頴康和老婆麥雅緻結婚8年，婚後不時在社交網貼相放閃曬幸福。昨晚阿康在instagram貼了和老婆撐枱腳合照，並趁機發表冧妻宣言：「最近揸車無意中聽咗一首歌，聽完之後好鍾意！但係揸緊車，梗係無留意到歌名啦！幾經辛苦，終於搵到首歌叫做《顧家》我好鍾意裡面嘅歌詞，正正係講緊我想講俾我老婆聽嘅說話，完全表達到我嘅心意！
其實我想講...我可以做到顧家嘅人，並唔係因為我天生就係個咁嘅人！而係有一個女人能夠俾到一個男人想顧家嘅心，先至係最重要！
老婆，多謝你成就咗我做一個咁嘅男人！不過都要同你講聲對唔住，因為我唔會親口唱俾你聽，聽人哋唱感受吓我對你嘅愛啦！老婆！我愛你。」
