【疫境開舖】孖林子超開私人教室 楊柳青感謝拍檔包容 (22:25)

文章日期:2020年09月14日

藝人楊柳青與林子超(Andy)最近於疫境下合作開私人教室,開班教授跳舞、瑜伽及健身課程等。楊柳青昨晚在社交平台感觸發文:「今晚突然好感慨......Studio由一塊被拆到似爛地嘅地方到成形,經歷咗好多,學習咗好多!比起以前做時裝店完全唔同,所有野(嘢)由零學起!好多謝拍檔們嘅信任、包容同原諒 @andylinchichiu(林子超),好多謝所有所有出手相助嘅好朋友,好感恩每次迷失同有錯失嘅時候都喺身邊提點同幫助!好多謝所有品牌嘅支持,令疫症創業嘅我地(哋)可以少咗好多顧慮!終於去到尾聲,終於可以邀請大家黎(嚟)上堂喇!好期待可以喺鋪(舖)頭見到大家,熱烈歡迎各位一齊黎(嚟)感受上堂嘅樂趣,一齊學習成為更好嘅自己,未來嘅日子如果有任何做得唔完善或者要改善嘅地方,記得直接話俾我地(哋)知,我地(哋)會盡最大嘅努力做到最好,提供最好嘅課堂俾大家!」

林子超亦在自己社交平台表示:「眨眼間已經教咗小朋友跳舞4年,30歲嘅我正式創立第一間studio,分別有兒童舞蹈,戲劇,柔軟體操,瑜伽和親子瑜伽課程!而我拍檔 @wiyona(楊柳青) 亦為青少年和成人準備了各種健身和瑜伽課程,大家一齊為健康努力,一齊增強自己嘅快樂指數啦😁🌿」

(即時娛樂)