【好彩骨冇事】王君馨扭傷腳 工作要取消:有啲失落 (12:46)

文章日期:2020年09月19日

王君馨前晚拍《超能使者》煞科戲分時,不慎扭傷腳,要坐輪椅收工。君馨今日凌晨在Instagram貼了7年前同樣扭傷腳要穿Air Boot的對比照,她說:「好感恩喺超能使者最後一個鏡頭先至整傷,任務完成全劇完!好感恩照完X-Ray知道骨冇事,如果唔係真係攤喺度六個月至一年!

好感恩同一隻腳七年前腳腕嘅前韌帶有九成撕裂,我都擔心會唔會今次已經斷咗,醫生話今次前韌帶冇事,應該係傷咗側面同埋後面嘅韌帶,要等MRI出嚟再睇吓情況。

好感恩下一套劇嘅監製導演,所有人都好遷就我呢個情況,可以比段時間我休息吓。令我可以有多啲時間準備好自己嘅角色,之後再同大家作戰!

本來三日後要拍嘅MV,依家要完全cancel,心情都有點失落,但係又好感恩成個團隊俾我好多愛同支持,我相信有更多時間做好首歌,準備好自己,再做足D(啲)所有嘅pre-production ,MV出嚟嘅效果會更好!希望大家俾多少少時間我,期待我下一個BB!」

(即時娛樂)