林俊賢女兒林鈺洧（Denice）最近參與VivTV的靈探節目《鬼同妳上位》，早前她在節目內疑似撞鬼，昨晚（18日）播出的第5集，她被拍膊頭再次出事，決定跟另一參賽者思朗退出比賽。
今日凌晨她在社交網再就退賽一事吐心聲：「退賽我真係十萬個不願意。我從來冇試過放棄任何一個工作機會。就算我嗰日腸胃炎，發燒，我都會頂硬上繼續出job。
雖然最後嗰晚我個樣好似冇事，但其實嗰晚發生好多事。去到最尾5分鐘拍攝，我竟然離唔開張凳，冇力，頭暈，郁唔到，睇所有嘢都喺度震。淨係好驚，覺得好自己係死亡邊緣。
退賽之後到而家我都好後悔，好嬲自己，點解唔頂埋落去。因為清醒嘅我係一定唔會放棄工作。
師傅話，啲朋友仔跟晒我返屋企，係想我幫佢哋。但我又諗，我幫咗佢哋，邊個幫返我。我份工已經冇咗。
唯有同自己講，可能有某種科學解釋唔到嘅力量警告我，退賽可能真係執返條命。喺呢度同大家講聲對唔住，我太弱，我頂唔到，好對唔住。」
