36歲吳日言於2016年結婚，婚後育有一女林禧茹（Beatrice），今年11月將2歲大。身為媽媽的她，昨晚在社交平台自爆因懶惰關係，忘記為女兒報讀學校，「作為一位媽咪，幫小朋友報讀學校係我嘅責任，因為自己懶惰關係，明日復明日，結果想報嘅幼稚園已經截止報名。😰我真係內咎（疚）都爆，加上知道其他學校收生額比例嚴重不足，上年六千人爭百幾個學位，真係痴痴地線。而且我填報名表嘅時候發現自己應該好低分，冇受洗、家屬唔係舊生、冇人事關係。點算呀！講真，報幼稚園真係好似大抽獎。個個小朋友喺屋企樣樣都識答，但係面試嘅時候可能一句都唔答，睇Bea自己造化啦！」
