江伊晴（前藝名江若琳，Elanne）今天（9月30號）33歲生日，生日前夕與丈夫蕭唯展（Oscar）食飯慶祝。
夫婦二人在社交平台分享照片，Elanne說︰「有人話：我最好既（嘅）生日禮物就係佢永遠都咁錫我❤️，其他人講我未必信，但出自佢口我一定信！😜睇到呢度你地（哋）應該好想嘔😎😎。生日簡簡單單一餐飯已經好滿足啦👍。今年生日特別開心，係（喺）『貓季』我有一班好好既（嘅）小伙伴，係（喺）工作上有令我好安心既（嘅）團隊，生活上有好多好愛我既（嘅）朋友仔！❤️夠啦！最後祝自己33歲生日快樂，開開心心，繼續做正能量少女🍻。如果覺得我不像33歲的請按讚哈哈哈哈😂😂😂😂。」
Oscar則說︰「祝你生日快樂﹗身體健康﹗年年未夠秤😊。平日唔梳頭既（嘅）我，今日無帶GEL，護髮素GEL頭頂住先🙊。你永遠簡單美麗，你快樂所以我快樂。」
