【17歲生日】唐韋琪為愛徒慶祝 張若希扑蛋糕失晒儀態 (20:55)

文章日期:2020年10月01日

唐韋琪為愛徒張若希在才藝學校舉行小型生日會,慶祝若希17歲生日(9月30日),壽星女收到兩個別緻的生日蛋糕,驚喜又感動。若希稱經理人公司為她舉行生日會,令她有個好開心又難忘的17歲生日。經理人唐韋琪更秘密邀請前輩們,還有跟她一起成長的同學一齊慶祝,過往是一家人食餐生日飯,今年好難忘。

張若希說:「當大家推兩個蛋糕出來時,我驚喜到不得了,尤其是扑嗰個蛋糕,係我嘅dream cake,扑開時候簡直令我瘋狂,興奮到癲咗失晒儀態,哈哈!裏面全部都係我最鍾意嘅曲奇餅、朱古力豆、糖果。有咁多人愛惜我,陪伴我,我一定會更加努力,自強不息,我會畀心機讀書及唱歌,唔會令大家失望。」

(即時娛樂)