寰亞經理人林珊珊跨界在YouTube播放新節目《Have a friend day》，自推出以來反應熱烈，今晚（5日） 推出最新一集，請來剛簽約新唱片公司的鄭欣宜，齊齊到酒店Staycation，二人在牀上談初戀史，更請來心理治療師李靈津，教大家如何透過繪畫，加深自我認知，為身心平衡踏出第一步。
欣宜向來真性情，說話爽直，在節目中也討論自己「雪卵」計劃，她說：「好開心可以聽到珊珊有關約會拍拖嘅分享，學到好多嘢，估唔到我同珊珊嘅初戀都好相似，可能大家都係讀女校，大家都係喺聯校活動先識到男仔。」珊珊說：「我知道你喜歡笑，但原來你都好易喊，好真性情，不過最特別係你好坦白咁講自己真係有想過『雪卵』，我第一次面對面有人同我討論呢個話題，好難得。」
