日前英皇新人艾妮（Elly）作客TVB娛樂新聞台節目《StarTalk》，接受主播許文軒訪問。Elly放棄護士工作，加入樂壇推出HIFI碟，她說：「自己鍾意唱歌，所以先參加《超級巨聲3》，但比賽後屋企人唔想我收入唔穩定，所以畢業後就取捨咗做護士，但喺呢6年嘅註冊護士生涯中，我一直都有part-time唱歌，做酒店駐場歌手，經常喺早上做護士，6點收工去唱歌，雖然好攰好辛苦，但我唔想放棄唱歌，家人知我唔係玩玩吓，既然再有機會唱歌，佢哋好支持我。」
問到今年再戰樂壇，有否擔心遲起步？她說：「的確遲起步，但我會把握時間，唔會浪費每一分每一秒，我會學彈琴同唱歌，增值自己，雖然遲咗少少，但係我會追上去，而且做護士嗰時，已經練得一身鋼鐵體質，所以好捱得。」
