【佗B期間錄3首歌】唱歌叻烹飪差 Robynn自嘲「廚後」 (14:23)

文章日期:2020年10月08日

創作歌手葉晴晴(Robynn)日前接受由許文軒主持的《StarTalk》訪問,談到單飛出歌感受,她說:「其實懷孕唔係我今年嘅計劃之內,冇諗過可以同單飛出歌同步發生,估唔到自己懷孕9個月,仲可以有足夠精神去工作,都要畀個叻自己,出到3首英文歌,其中《Little Love》呢首歌係寫畀BB,唱呢首歌嘅時候佢會踢我。(有咗BB係咪打亂你本身計劃?) 我年頭仲同老公講,今年自己工作上有好多計劃,如果今年有咗BB,我會好大壓力,我老公仲話收到!明白!點知上天真係畀咗呢個驚喜我哋,但我同老公、屋企人都好開心,會抱住好期待嘅心情迎接小生命。」

談到準備做媽咪心情時,Robynn說:「我有問中醫坐月時要注意什麼,另外我之前讀心理同教小朋友,所以我可以拎返頂帽出嚟用。(學煮飯?) 呢樣我唔得,好差,我係『廚後』,廚師後面嗰個,我老公煮嘢好叻,係高手,我唔敢煮畀佢食,正如佢唔鍾意喺我面前唱歌一樣。」

早前Robynn挺着懷胎近9個月的巨肚,拍攝她給寶寶的「第一封信」—《Little Love》MV,雖然拍攝時感到疲累,但又非常開心能與寶寶造就了新的第一次。她說:「這個小生命雖然常令我難以入睡,但也不算什麼,現在最期待是看到小生命每樣神奇的第一次,例如寶寶第一個笑容、踏出的第一步、他所說的第一個字等。」完成拍攝後,Robynn稱有種收爐的感覺,「雖然因為狀態關係,精力已大大減弱,但真是很感激製作團隊每一位賜給我的能量,亦很佩服他們的一絲不苟,真的很多謝他們」。

原來Robynn創作《Little Love》是她懷孕約5、6個月時,她首次感受到寶寶踢動時有種很奇妙靈異感覺,就像一個由外太空來的小生命進入到她的身體內,這份奇妙體驗亦幻化成今次MV的靈感來源。她特意邀請了藝術家以畫像等方式呈現出這個虛構世界的感覺,別具心思。

(即時娛樂)