【沾沾自喜】容祖兒成功焗製鬆餅興奮大笑︰叫我賢淑 (17:36)

文章日期:2020年10月16日

容祖兒(Joey)相隔接近3個月再次現身Instagram,展示她的廚藝技能,分享她炮製鬆餅的片段。首次整鬆餅,祖兒最初信心不大,認為失敗居多。等待鬆餅出爐時,她更笑言心情緊張到似在等生仔。祖式鬆餅最後製作成功,祖兒試食時開心到狂笑,連助手都大讚好好味﹗

祖兒說︰「即係咁,我好鍾意食scone,每次tea都會嗌番份嚟嘆吓。正當我以為scone係本世紀最難整嘅嘢,我大頭細佬個老婆,即係阿弟婦就表示容易過乜。鍾意向高難度挑戰嘅我即刻去試吓,順便為將來野餐鋪條road。雖然結果有啲似雞仔餅,但因為味道+新鮮+自己整,我好大膽咁講句,真係加分不少。冇咩事我都係返出去食雞仔餅啦﹗#容易過乜 #沾沾 #祖祖cancookwor #整麵包要發酵 #整scone好輕鬆 #叫我賢淑 #阿淑都得 #容祖淑 唔係 #早熟」

(即時娛樂)