the pancakes終於出新歌 林日曦爆老婆5年來日日驚 (17:52)

文章日期:2020年10月17日

林日曦太太蔡明麗的一人樂隊「the pancakes」近年幾乎絕跡幕前,不但5年半沒出新歌,就連社交平台也停止運作。神隱多年後,她早前終於現身,解釋過去幾年突然「消失」的原因,又預告會推出新歌,令不少歌迷非常期待﹗

接近一個月後的今日,the pancakes終於推出新歌《as brave as that stupid girl》。她在社交網上載由老公親自操刀拍攝的MV,留言︰「嗚呀~終於等到spotify、apple同itunes etc都上齊咗喇,終於可以upload呢個前衛後現代眼花MV喇(拍攝by後衛前現代Lam1Hey)﹗同我其他的歌一樣,睇返(番)呢首新歌啲歌詞,都係覺得充滿人生矛盾和思想矛盾,同埋會打冷震的,希望可以為大家解暑一下,慳返(番)一日冷氣費風扇費。」

林日曦在社交平台轉發了the pancakes的帖子,留言鼓勵老婆︰「5年冇出歌嘅佢,呢5年嚟每日都好驚,又驚自己唱歌難聽,又驚自己寫歌難聽,又驚寫嘅歌唔小心抄咗人而自己唔知,又驚冇人再聽自己嘅歌,就係咁驚下驚下驚咗5年。今日佢終於鼓起勇氣出新歌,應該冇乜電視電台會播佢嘅歌,所以希望大家喜歡嘅話可以去佢fb n yt like下share下,等多少少人聽到。喺我心目中,當然係:2020年我最喜愛歌曲,2020年我最喜愛女歌手,2020年我最實驗性MV。(MV我剪㗎,係咪好暈呢?)」

(即時娛樂)