【對香港唯一貢獻】楊凡驕傲發掘吳彥祖 欣賞男神保持高尚情操 (14:23)

文章日期:2020年10月18日

導演楊凡日前接受香港開電視主播馬梓軒專訪,分享他創作動畫電影《繼園臺七號》的點滴。楊凡表示:「我好驕傲咁講,我對香港唯一的貢獻,就是發掘了吳彥祖。記得當時成部戲配好音後,聲音設計師和我講有個角色條聲收得不是幾好,於是我就想,假如搵吳彥祖配就最適合,誰料第二日吳彥祖打畀我話返了香港,他已經有兩年冇返過香港,於是即刻搵他配音。」

楊凡向來視吳彥祖為「兒子」,他表示彼此關係緊密,亦喜見對方至今依然是許多人心目中的男神,「人當然會長大,不過我最欣賞吳彥祖的,就是他一直保持高尚情操,好多時我們希望一個人老都老得靚些,或者保持一個美好形象,我覺得吳彥祖做到這一點」。

談及楊凡執導的作品不乏男生洗澡場面,他笑說:「我這部動畫都有冲涼戲,之前我有個朋友睇完,想叫我剪走冲涼戲分,我就覺得這部作品一定要有,等大家一想到楊凡的電影,就一定有男仔冲涼。我之前執導那部《淚王子》,因為張孝全冇冲涼戲分,所以畀人鬧得好犀利,哈哈!」

(即時娛樂)