ViuTV節目《全民造星III》明晚（4日）播出第3集，眾參賽者陸續出場參與前哨戰，今次輪到ViuTV藝人李昭南（Mishy）出場。經常為ViuTV不同節目擔任主持的Mishy，亦有參與劇集拍攝，苦等機會的她，原來一直想成為唱作歌手，因為見到好友黃劍文加入ViuTV後，有機會為劇集寫歌，並主唱主題曲，所以效法加入ViuTV。
導師林二汶對Mishy作出評價：「當刻見到佢，覺得佢觀眾緣唔夠，冇一種好shiny嘅嘢，唔亮呀。」原來Mishy亦深知不足之處，但不知如何改善：「成日問同事點樣可以改善呢樣嘢，會檢討自己，點樣去突破呢個點，如果唔係公司繼續留我亦冇乜意思。」
她又稱：「參加《全民造星III》嘅目標，係希望大家當我係一個音樂人嘅身分去尊重，可以繼續喺音樂方面發展。」為求突破自己，Mishy亦一改形象，拒做平時自彈自唱的自己，想讓觀眾看到自己另一面，故她以性感造型，跳唱演繹歌曲《Cazzo》。
