蘇麗珊對於香港開電視足本播放劇集《無間道》甚為興奮，之前拍攝該劇情景，令她記憶猶新，特別是前輩羅嘉良出神入化的演技，令她難忘，她說：「首先《無間道》係經典作品，我哋拍嘅時候，台前幕後日夜對足幾個月，相處融洽。大家有一個信念，就係合力拍好作品。」畢竟該劇是4年前作品，她自評有很多地方可以做得更好。
原來蘇麗珊一直愛看羅嘉良演出，可惜劇中兩人沒機會演對手戲，故她特意去看對方拍戲的情形：「我記得嗰一場係好嚴肅戲分，我一入去就見到前輩喺度拍緊，嘩！嗰種氣場真係震懾咗我，不過鏡頭下嘅佢，判若兩人，變得好友善，好有親和力嘅前輩，真係好犀利。」她稱在劇中跟梁靖琪結成好友，收工會一起食飯，友情維繫至今。
