雨僑今年8月榮升新手媽媽，誕下寶貝女Harper，不時在網上談論湊女問題。雨僑今日有好事分享，就是Harper開始戒夜奶，令她感覺額頭的黑氣終於退去。
雨僑留言：「聽日@harperllov就三個月啦，呢三個月經歷好多嘢，咩人生重要的一課咁老土就唔講啦😂，睇番滿月嘅時候影嘅呢張相，我仲係圓轆轆，而家小姐圓轆轆，我就殘晒😆。真係萬語千言，但係呢個只係『媽媽的犧牲』嘅序幕，見到佢百日哭慢慢好轉，皮膚又靚番晒，最近仲開始戒夜奶，我直頭覺得額頭陣黑氣終於退去。由每次去東涌同港島南見長老抱到我抽筋，到自己可以坐car seat，我更加覺得佢好似已經大個女就快識行，加油啦囡，我哋一齊努力。跟住落嚟除咗飲奶嘔奶無限Loop，我終於可以同你玩下傾下偈喇。」
