於無綫處境劇《愛‧回家之開心速遞》中飾演「林美香」的謝芷倫，早前與劇中另一半「秦博思」馬貫東，雙雙暫別劇組後，至今仍未有歸期。謝芷倫未有遺棄粉絲，不時在社交平台大曬長腿，讓大家繼續關注其工作；愛好水上活動的她，今日參與了義工活動，去沙灘執垃圾，一盡好市民的責任。
謝芷倫留言：「最近想去潛水，自從上次去完布吉拍3日2夜就冇潛過☹️。咁啱學校話有個義工活動有得潛水執垃圾，之前見過朋友去過我已經好想去。今次有得Fun dive又可以去海底同沙灘執垃圾，啱哂（晒）喇，潛水牌除左（咗）潛水仲可以執海底垃圾👍❤️，都叫左（咗）d diver朋友參加🤩。沙灘上的垃圾較海底多，我地（哋）成班人執左（咗）好多垃圾啊！當中有魚網，燒烤網，膠袋，魚絲，魚鈎，發泡膠等。海底就執左（咗）膠樽，汽水罐，膠袋，同潛水用品等。希望大家去大自然遊樂嘅時候，都要愛護我哋嘅大自然啊❤️」
