駱胤鳴下月出嫁 過大禮勁收海味 疫情下結婚有幾手準備 (19:22)

文章日期:2020年11月20日

29歲樂印姊妹成員駱胤鳴,將於12月27日與拍拖逾5年的男友Kelvin舉行婚禮。兩人今日進行傳統過大禮儀式,駱胤鳴在社交網分享照片,物品中有大堆海味。駱胤鳴說︰「全世界講一次恭喜﹗唔該曬(晒)一班兄弟上嚟氹到未來外母咁開心,雖然未上門前我媽同家姐勁緊張,我又唔知要緊張啲咩,但喺房入面聽到你哋好開心熱鬧真係好想衝出去~好啦,又完全(成)一大儀式,不過我開始擔心第時嗌交,外母一定企喺女婿果(嗰)邊。」

「我媽多咗個仔,佢勁開心,呢個女婿地位好高。奶奶話要留最大嘅花膠俾我阿媽,乾瑤柱歸我。係呀,我成日當乾瑤柱係零食,女係貴養㗎啦﹗辛苦呢位女婿賺多啲錢買零食俾我。第三幅圖係提醒吓我隻手好吉,爭啲金戒指呀金手鈪呀,我有耳洞㗎都。順利完成過大禮,但仲未印帖,慢慢嚟唔洗(使)緊張,我會慢慢派㗎啦﹗」

駱胤鳴原計劃結婚當日筵開30圍,但由於近日疫情反覆,她向傳媒坦言非常「頭痕」,連在酒店出門也擔心會出現staycation群組。她表示婚禮當日已有幾手準備,希望能在低調及保障到大家健康的情形下完成婚禮。

(即時娛樂)