張敬軒今晚紅館開騷獲外傭姐姐送驚喜︰好似食緊貢品 (14:11)

文章日期:2020年11月22日

張敬軒的紅館演唱會今晚開鑼,每日為他炮製「精美早餐」的外傭姐姐亦為他送上驚喜,令軒仔一早起來就大叫「醒_咗」﹗從軒仔上載至社交網的照片看,外傭姐姐今早為他預備了白粥、腸粉、雞蛋及生果做早餐,另外還有3小碟醬汁。不過,外傭姐姐將盛載食物的碗碟以3個一排的方式放在枱上,看起來有點似神枱一樣。

軒仔無奈說︰「喱(呢)一刻我係平靜嘅。如果唔係咁可以點。我一路食,我覺得自己好似食緊貢品... 我今日一點幾鐘綵排,前兩日話定俾阿陰陰遮知今朝會想食多少少嘢,都冇乜特別期望㗎喇,希望有嘢落肚啦咁... 七點幾,我矇住對眼行出廳,又冇帶Con,一䁽眼見到咁多碟以為有九大簋食,點知行近張枱我真係醒_咗。我諗佢知我今晚喺紅磡開Show,所以整壇咁嘅賀我... 我大吉利事過你吖我﹗我張餐枱變_咗神枱,我自己再望埋自己件睡衣,真係百無禁忌 ﹗件嘢我老母送嘅靚嘢嚟㗎喂,係拼埋落今朝個早餐度出事之嘛﹗」

(即時娛樂)