劉小慧曾是寶麗金年代的「四小花」之一，當年迷倒不少男粉絲，直至1996年淡出樂壇，翌年與蘇志威結婚，為丈夫生女後便專心照顧家庭。結婚23年，劉小慧與蘇志威仍然非常恩愛。
昨天是美國感恩節，她在社交網上載和老公的合照，留言多謝老公，及感恩身邊的人和事。劉小慧說︰「感恩一家人和朋友們身心安好，繼續保持心境開朗，有健康強狀（壯）既（嘅）身體。感恩身邊這個人的陪伴，共同進退，做KOL咁耐，除咗有次演唱會唔係（喺）香港外，幾乎每次直播都在我身邊。」
愛駒「駿王」將從新西蘭去澳門，日後再到內地的馬術學校。劉小慧說︰「感恩駿王能夠返嚟我身邊，除咗係日夜發念之外，就係凡事都相信會美好。最後感謝自己，學會放下，學懂回饋，學懂感恩，遇到事情學習平心靜氣。亦希望自己有能力可以貢獻比（畀）更加多嘅人。學習付出。每一日都係美好嘅一天，活得更快樂。現在都是最好的安排。」
