第四波新冠肺炎疫情來勢洶洶，消息指本港今日（12月3日）增約92宗確診個案。新一輪疫情下，各行業再進一步受到衝擊。林盛斌（Bob）透露他本來12月及明年1月的工作，一日之內全部延期或取消。
他說︰「計畫（劃），真係永遠趕唔上變化！眼見10月同11月疫情好似緩和咗少少，然後多返（番）少少人搵我12月同1月去做嘢，正當以為坐足幾圈臨尾可以食返（番）鋪對對糊，袋返（番）少少車錢返到屋企去過呢個年關之際，一日之內，全部通知要延期或取消。個感覺真係好amazing.....😂😂😂 但係，我同自己講：『內心強大，冇嘢要驚！』同業們，撐住，頂住！」
因被列為緊密接觸者，目前正接受14天強制檢疫的蕭正楠留言︰「好有正能量，成段文字同send俾我嘅一樣，係最尾你同自己講嗰句有啲唔同，印象中好似有好多符號交叉X Y！🤔」Bob回答︰「你都係去清潔你間房啦，唔好睇咁多IG啦！」
