政府因應疫情爆發第四波，宣布美容院、按摩院及健身中心等再次暫時關閉，身為健身中心老闆的陳偉成在社交平台大吐苦水：「又封Gym，又停呢樣又停嗰樣😅😅，有冇諗過日日都處理唔到個源頭，香港點會有得好過。冇得做運動個人唔健康又點樣對抗疫情呢？香港人真係最辛苦嘅一年，打工嘅日日都Home Office，其實仲辛苦過返工。做生意嘅更加大鑊，政府淨係識叫人停但係完全冇補貼過雇（僱）主，每次白白交租今年都白白交咗差不多五個月租金，你話點樣做到生意呢？上次第三波疫情佢只係講咗一句，希望業主共渡難關一齊減租，但係邊個業主會睬你呢？最後只有香港人幫香港人，靠自己人回復經濟💪，我覺得可以有關牽連嘅職業，大家互相幫忙互相介紹🔥🔥。不如大家喺呢度講啦你哋咩行業？再睇吓啲留言會唔會可以互相幫助？」
