林芊妤外出午飯 伯伯以為被丟低在家喊足一個鐘 (14:46)

文章日期:2020年12月16日

林芊妤(Coffee)自兒子翟德彥(伯伯)出世後,除了工作外,幾乎全日照顧他,伯伯亦非常黐她。近日,Coffee外出吃午餐,剩下伯伯和工人姐姐在家,豈料伯伯哭着找媽媽,哭累了就去睡,睡醒再哭過,足足喊了一個小時。Coffee回家後立即安撫兒子,更出動雪糕𧨾仔,惟伯伯一度嬲到不理會她。

Coffee說︰「今日,我出去食左(咗)個lunch,然後返到黎(嚟)大佬嬲左(咗)我,仲喊到同姐姐講喊到好攰,仲俾晒面色我睇,個樣好似生無可戀咁,但最後竟然係姐姐笑笑下係(喺)到喊,話心痛佢頭先喊咁耐搵媽咪。我都係食個lunch姐(啫),唔知以為我出軌。👶🏻:面壁思過啦你。🧕🏾:下次唔好掉(丟)低佢啦~😭」

(即時娛樂)