王祖藍與李亞男的第2個愛情結晶出生了！BB女的英文名字是Hayley，中文名叫王海靜。由於兩個愛女同在12月出生，祖藍與李亞男這對廿四孝父母，早前特意舉行迷你慶祝派對，慶祝大女Gabby的2歲生日，同時亦隆重歡迎Hayley這位新成員。
問到祖藍與亞男第一眼見到Hayley，是否很感動？李亞男笑言：「當我哋第一眼見到Hayley時，係覺得好搞笑同神奇，因為佢同家姐一模一樣嘅樣，見到佢就好似見到啱啱出世嘅家姐咁，實在太似樣了；唯一一點唔同，就係Hayley個鼻好似仲大過家姐，係一個大鼻妹嚟，哈哈哈！但好感恩佢係一個好漂亮嘅孩子，好多親友睇咗相後都讚佢好靚女。」祖藍則表示：「好感恩佢唔似我，最緊要係個樣唔好似我，似晒媽咪就可以喇。」
