寰亞唱作歌手馮允謙（Jay）明天（18日）推出新專輯《AWAKEN》，多首MV都以太空未來世界為背景，唱片封套拍攝亦加入不少未來元素，Jay說：「今次唱片入面，《開始倒數》同《地球來的人》都玩好多特技，係我以前未試過的，連帶音樂上我都作出新嘗試，所以唱片名《AWAKEN》，『覺醒』形容得好貼切，加上今年全世界都好多嘢發生，要好感恩我哋手上擁有嘅嘢，例如生命同屋企人，其中一隻歌《小康》，我係寫畀屋企人，就好似係一份聖誕禮物咁送畀佢哋，希望感覺到我嘅愛。因為疫情，今年大家面對好多轉變，希望大家有乜想做就快啲去做，要馬上行動唔可以等。」
Jay表示拍攝唱片封套照比拍MV時輕鬆得多，不需像拍MV時上山落山，以及跟空氣演戲，衣服造型亦回歸成熟穩重，不過其中一個太空人造型，為他帶來少許麻煩，他說：「因為要扮太空人，所以要將一個玻璃波咁樣嘅太空人帽戴喺頭上，但戴咗上頭之後無法固定，郁嚟郁去好搞笑。」
