李幸倪（Gin Lee）昨晚舉行線上音樂會，請來姜濤任演出嘉賓，合唱《流星雨》及《刻在我心底的名字》。Gin Lee在社交網分享與姜濤的合作點滴，並對姜濤說︰「多謝你的參與，讓我們看到你的可愛，繼續加油！」
Gin Lee回憶綵排時問姜濤︰「OK嗎？耳仔聽到舒唔舒服，有冇咩問題？」姜濤當時回答她無問題。兩人合唱完一次後，現場一片寂靜。Gin Lee於是再問︰「你覺得點？你有冇咩意見？」姜濤答︰「我...我會有咩意見？你哋可唔可以畀啲意見我？」Gin Lee聞言捧腹大笑﹗
開騷前，Gin Lee對姜濤說︰「你知唔知點解你會出現喺電視，跟住又會走出電視㗎？」姜濤回答︰「嗯...佢哋有話我知。」Gin Lee續說︰「其實你係我幻想出嚟嘅。」此時，姜濤竟對Gin Lee說了句「多謝你幻想我」，嚇到Gin Lee大叫︰「嘩...呢啲嘢唔可以亂講㗎！」
