新冠肺炎|兒子徐朗原定明年1月返英 徐榮:依家睇情况 (19:09)

文章日期:2020年12月21日

英國發現傳播率較現有高七成的新型冠狀病毒變種病毒株,當地從20日起將封城等級升到第4級。不少星二代在英國留學,森美兒子梁曦樂在當地入讀寄宿學校協和學院(Concord College),森美表示囝囝已返港近3星期,他說:「唔係好擔心,因為佢讀書地方喺英國北邊,所以唔擔心,但會留意英國情况,可能考慮遲啲先返英國。」

無綫藝人徐榮的13歲大仔徐朗,9月時獨自到英國升學,至月初已回港放聖誕假。徐榮表示兒子原定明年1月10日返英國,他接受《明報》訪問時說:「依家睇情況,如果嗰邊仲好嚴重,會喺香港留耐啲,同埋用ZOOM上堂。(兒子想返去踢波?)有呀,佢想返去踢波,因為返港後,英國開始嚴重,所以冇晒比賽,諗住返港後,可以跟舊球隊踢波,點知香港疫情又嚴重,球場又封咗,又係冇波踢,佢都幾無奈。」

(即時娛樂)