林穎彤（Bella）日前以代言人身分拍信貸廣告，她以百變造型示人，還加入不少搞笑內容。在芸芸造型中，最受現場工作人員歡迎，一定是Bella爆炸頭主婦造型，她笑說：「髮型師應記一功，仲喺爆炸頭上加咗幾個髮捲，令整個主婦Look更搞笑有趣。但其實咁多個造型，最高難度係扮OL，因為導演想拍出由早到晚嘅效果，我哋要喺黃昏前埋位，一直拍到日落天黑，一shot直落，唔可以NG，我同其他幾位演員，遵照導演指令去走位，前後拍咗超過半小時。雖然廣告出街，因為調教咗快鏡，只係得幾秒，但全部人好用心去完成呢個鏡頭，大家都好開心、好享受。」
