簽王宗堯成旗下首位包薪合約藝人 杜汶澤:我哋台以後靠晒你 (22:50)

文章日期:2020年12月23日

王宗堯去年7月闖入立法會,被控以「進入或逗留在會議廳範圍」及暴動罪,案件仍在審理中;早前他在社交平台帖文,稱要負擔龐大律師費用,請求大家給工作機會,並拒絕網民建議眾籌,當時田蕊妮曾留言表示:「我哋喱騷個台嚟緊有啲咩一定會第一時間搵你。」話口未完,王宗堯已成為杜汶澤旗下收費平台首位包薪合約藝人。

原來身在台灣的杜汶澤叫老婆田蕊妮跟王宗堯傾合作,最後更成功簽約,隔空大讚老婆做到嘢。杜汶澤在社交平台留言:「各位觀眾我正式宣布,王宗堯由今日開始,成為本台www.lateshow.net 第一個包薪合約藝人!感謝宗堯俾呢個機會我哋!祝你拍多啲好嘢,年年爆show,我哋台以後靠曬你喇!感謝所有已經登記做會員嘅觀眾,無你嘅支持,我邊有咁嘅本事?越多人幫襯,我哋財力越大,簽嘅人就只會越來越多!到時睇吓邊個夠膽話香港人養唔起香港人!」有網民留言讚杜汶澤兩公婆好人,杜汶澤回覆對方:「千祈唔好咁講!我哋做生意嘅啫,佢肯簽我哋佢仲好人!」

(即時娛樂)