葉巧琳（Mischa）在昨晚《全民造星III》總決賽中空手而回，未獲得任何獎項。她在社交網說︰「首先多謝投咗票畀我嘅你哋，收到晒你哋嘅愛。投唔到票嘅唔緊要唔好嬲，我忙到自己都唔記得投票，對唔住。諗咗好耐，好多感受，但我詞窮，簡結如下：畢業了，祝福每一位繼續走佢哋選擇嘅路。」
「永遠記得二汶講嘅：不忘初心。幾個月來，台前幕後嘅所有人嘅汗水淚水都係滿滿嘅愛。大家都辛苦了，老師們，謝謝你！幾個月嘅造星之路不容易，我哋撐過咗，就變強咗啦。節目組，你哋可以冬個眠先補補佢。祝福大家，2020年感恩遇上你們。」
「你哋個個都好叻，人太多我就唔tag了，漏咗個無tag就唔好啦，你哋可以幫手tag下，容許我懶下。剛剛睇番個表演，過唔到自己，對唔住，我會檢討。」
