馬國明與湯洛雯認愛後，二人愈來愈公開及甜蜜，在無綫台慶大日子上手拖手示人，外界亦對他們很受落；有傳馬國明去年已成功求婚，未來外父湯鎮宗將馬鞍山別墅豪宅作為給女兒的嫁妝。
湯洛雯在社交平台發文祝大家2021快樂時，鬼馬地回應婚訊：「既然你哋咁想，如果，我係話如果呀吓，佢今年冧莊（指視帝），就結啦😜」，為男友馬國明開綠燈兼拉票，相當有心。事後聯絡上湯洛雯，叫她不要走數時，她搞笑回覆：「真係贏先算啦😂」
湯洛雯的回應亦引來不少網民起哄留言：「喂呀，你個story！！我cap左圖架喇，為拉票定為結X先？🤣🤣」、「真係馬明冧莊做視帝，你哋就宣佈結婚🤔🙊」及「馬明一定攞硬最佳男主角，2021靚湯結硬婚」等。
