陳柏宇叱咤走音|小肥為好友發聲:話佢hea就真係冤枉… (20:03)

文章日期:2021年01月03日

陳柏宇日前在商台叱咤頒獎禮上,獻唱得獎歌曲《感情這回事》時走音,事後他已解釋把聲未開,加上近期上堂學唱歌,已經好努力去練習。小肥(徐智勇)今日在網上發帖文力撐好友:「其實我想幫陳伯(陳柏宇)澄清一下,如果大家有留意我,都知我為咗嚟緊下年隻新專輯要去重新學唱歌,喺過程中要將一啲習慣放棄或者放大,總之講到尾要重新習慣一種超越從前嘅唱腔,當中嘅改變都令到陳伯留意,同埋都跟埋我一齊重新學習唱歌,喺呢段未完全擺脫舊唱腔又未完全習慣新唱腔嘅尷尬實驗期,係會易出事咗嘅,冇錯失手就係失手冇嘢好講,但大家認為佢hea我就真係有啲戥佢唔抵,佢明明為咗要唱得更好更專業而不斷尋求突破,我哋見親面佢都梗係同我鑽研點唱得好、又話開始掌握到嗰種開心,佢去學唱歌嘅勤力同求學程度我都自愧不如,我睇返佢唱明明把聲有好大轉變,非常進步,佢以前明明係把聲好薄,我睇叱咤佢把聲闊咗好多,但最後竟然換嚟大家話佢hea,咩世界?!總結:失手就係失手冇得駁,但話佢hea就真係冤枉娛樂。」

相關新聞:叱咤2020|40歲關智斌首奪叱咤十大 陳柏宇走音失威

(即時娛樂)