繼續爆料|阿姐轉台知不足 羅家英感嘆巴閉電視台變樣 (20:47)

文章日期:2021年01月09日

【今日直擊】羅家英今日擔任楊盼盼主持的香港開電視節目《盼你賞面》嘉賓。提到日前大爆太太汪明荃(阿姐)睇ViuTV,今次會否叫阿姐追看這個節目?家英哥說:「梗係要睇,但她不睇我都冇法子。(會特登開電視給阿姐睇?)我要記得先得。(經常爆阿姐看其他電視台會否令她尷尬?)阿姐現在不知幾喜歡睇其他電視台,她喜歡睇台灣電視台嗌交時事節目,覺得好好笑,又喜歡睇中央一台電視劇,要知道人家做些什麼,知道TVB不足的地方,而且愈來愈不足,最慘是連我哋香港最巴閉的電視台,都變成這個樣子,有咩法子不傷心。」

相關新聞:唔驚老婆扭耳仔?|羅家英爆太太汪明荃睇ViuTV

楊盼盼透露與家英哥甚有淵源,二人兒時是京劇演員粉菊花徒弟,直至2018年到馬來西亞拍攝電影《大地回春》才首度合作,望有機會一齊踏台板。

(即時娛樂)