鄧健泓（Patrick）到新城接受由倪詩蓓主持的《詩情廿四味》訪問，分享入行經歷及親自解釋傳聞。入行初期，Patrick主持兒童節目《閃電傳真機》，被爆跟蓋世寶拍拖，曾有指兩人分手時，出現「刀仔拮大髀」報道，Patrick表示當時有受傷，但事實不是如報道所指，他說：「我記得嗰時我執緊玩具，攞緊上面機械人時，因為睇唔到，把刀喺我前面跌落，我避開，但可惜唔知點解插咗落我隻腳。」
Patrick在節目中表示，當年主持綜藝節目，起初有很多負面評價，令大家無視他付出過的努力，他說：「我仲記得有一次張敬軒演唱會，我要做嘉賓唱《朋友2號》，我喺後台同我supervisor講，我不如唔好上去唱，會唔會上到去畀萬幾人噓我，上台後才知道，就算有1萬個人鬧過我，都總會可能有3、4千人聽我、支持我，要為嗰啲人去做好自己，於是無視負評並增值自己。」
