張敬軒接受由許文軒主持的《StarTalk》訪問，談到走入時裝界開婚紗店感受。張敬軒表示向來鍾情歷史研究，最近他聯同合作伙伴，將一個擁有150年歷史的法國鐘表珠寶品牌重組，以婚紗禮服在香港重新打造。
近年軒仔的演唱會及登台服，都打破性別框架，他說：「我覺得時裝係要從藝術眼光去睇，就正如一套有好剪裁嘅婚紗同晚裝，根本就係一件藝術品。時裝係超越年齡、超越界限、超越性別，而『降兩度』就唔關性別事，本身想做一啲浮誇嘅形象，佢係另外一個圍度。的確呢幾年嘅演唱會，好多設計師都會造啲中性嘅衫畀我，我好尊重設計師，我覺得時裝同音樂都係要學習。」
軒仔又說：「近年社交媒體作主導，我屬於李克勤、Eason（陳奕迅）後一代嘅歌手，我個人觀念比較傳統，唱歌就唱歌，但呢幾年開始有人搵我拍廣告扮鬼扮馬，我以前較拘禮，有歌手包袱，但依家心態有少少唔同，呢幾年我覺得自己係個Entertainer，希望可以帶快樂畀人，呢個就係音樂以外，我喺行業當中嘅價值。」
